Accessibility links

Breaking News

Vil Okay Reveye Timidman apre 3 Jou Tansyon; Otorite Leta yo nan Pòtoprens Di yo Gen Kontwòl Sitiyasyon an


Yon manifestan kap tire yon wòch pandan mach pou mande depa Prezidan Jovenel Moïse sou pouvwa a ak yon ankèk sou dilapidasyon Fon Petro Carive a sou Gouvènman avan yo. Foto: . REUTERS/Andres Martinez Casa

Vil Okay reveye timidman apre yon jounen tansyon ant group k ap sipòte pouvwa a ak yon lòt k ap mande demisyon Prezidan Jovenel Moise. Nouvèl yo rapòte te gen plizyè sèn piyaj nan vil la.

Poko gen anyen ki di si 3èm jounen grèv la afekte sektè transpò a. Senatè Sid la Jean Marie Salomon mande entèvansyon kominote entènasyonal la pou ede rezoud kriz la k ap sakaje peyi a.

Selon deklarasyon Sekretè deta Sekirite Piblik la Ronsard Saint Cyr fè nan laprès mèkredi 21 novanm nan li di sitiyasyon an ap retounen nan nòmal pandan li ankouraje sektè dafè a, etablisman eskolè yo ak popilasyon an pou reprann aktivite yo.

Mesye di Saint Cyr otorite yo prèske gen kontwòl sitiyasyon an malgre opozisyon an ensiste grèv la ap kontinye jiskaske prezidan Moise demisyone. Deklarasyon sa a fèt malgre opozisyon an ensiste li pap negosye ak prezidan Jovenel Moise eksepte sou demisyon.

XS
SM
MD
LG