Accessibility links

Breaking News

29èm Somè Entè-Sesyonèl Caricom nan Ap Dewoule nan Kapital Ayiti a, Pòtoprens


Foto ki montre drapo peyi manm Caricom yo ak senbòl Nèg Mawon Ayiti a. Foto: Jounalis Sèvis Krey

Pandan 2 jou, lendi 26 ak madi 27 fevriye 2018, Ayiti pral sèvi kòm syèj 29èm Reyinyon Entè-Sesyonèl Chèf Deta ak Chèf Gouvènnman peyi manm blòk ekonomik Karayib la (CARICOM). Ayiti se aktyèl prezidan òganizasyon rejyonal la, yon pozisyon li pral okipe pandan 6 mwa.

Reprezantan sektè prive ayisyen an ki pral patisipe nan Rankont Entè-Sesyonèl CARIKOM nan nan Pòtoprens gen pwen sa yo, antwòt, sou ajanda yo: Eliminasyon egzijans viza pou òmdafè ayisyen ale nan peyi manm yo; Adopsyon fransè kòm lang travay nan CARICOM.

Lòt nouvèl, dapè yon nòt Anbasad Amerikèn nan Pòtoprens pibliye, vwayaj otorite Depatman Deta John J. Sullivan te gen pou l fè Ayiti ranvwaye. Misye Sullivan te gen pou l al patisipe nan rankont CARICOM nan kap dewoule nan Pòtoprens nan lendi 26 ak 27 fevriye a.

XS
SM
MD
LG