Accessibility links

Breaking News

Venezuela-Politik: "Kolaboratè Maduro yo ap Chape Poul yo...", daprè Juan Guaido


Lidè opozisyon Venzuela a, Juan Guaido, ki t ap pale ak laprès apre li te fin patisipe nan yon sesyon Asanble Nasyonal la nan Karakas, nan dat 13 out 2019 la.

Lidè opozisyon Venezuela a, Juan Guaido, ki benefisye rekonesans Lèzetazini, fè konnen otorite k ap travay avèk rejim Nicolas Maduro a, ap eseye chape poul yo. Nan yon entèvyou eksklizif Misye Guaido bay Sèvis Espayòl Lavwadlamerik la, li reyaji sou nouvèl ki di kèk pwòch kolaboratè Misye Maduro ap itilize divès kanal pou yo pran kontak ak otorite gouvènman ameriken an. Juan Guaido deklare:

«Sanble chakenn nan yo ap chache sove tèt li, alòske sa nou vle se sove Venezuela. Pa gen okenn kowòdinasyon pami sila yo ki rete fidèl anvè Maduro yo.»

Juan Guiadó ki t ap bay Sèvis Espayòl Lavwadlamerik la yon entèvyou nan jounen lendi 19 out 2019 la. Sou foto a li t ap reponn kesyon Adriana Rabascall
Juan Guiadó ki t ap bay Sèvis Espayòl Lavwadlamerik la yon entèvyou nan jounen lendi 19 out 2019 la. Sou foto a li t ap reponn kesyon Adriana Rabascall

Pandansetan ajans nouvèl AP (Associated Press) fè konnen Lèzetazini te pran kontak an sekrè avèk Diosdado Cabello, prezidan Asanble Konstityant Venezuela a, yon antite ki apiye rejim Maduro a. Daprè AP, moun ki rete fidèl anvè Maduro yo t ap eseye jwenn garanti kòmkwa yo pa pral sibi reprezay si yo kite rejim nan. Aprè sa Misye Cabello te demanti nouvèl la ki, daprè li, « se manti, se manipilasyon. »

Nan yon konferans pou laprès prezidan asanble konstityant la bay nan Karakas, li pase nan rizib yon kesyon sou rapòtaj AP a; li fè konnen:

« Sa k ap fèt la sipoze rete sekrè; mwen pa ka di anyen sou sa. »

Juan Guaido di Lavwadlamerik li okouran kèk reprezantan rejim Maduro a twouve yo Ozetazini. Jounal Washington Post ak lòt medya ameriken te rapòte pi bonè nan semèn sa a ke delege Maduro yo fè pwopozisyon pou eleksyon prezidansyèl dewoule anvan fen negosyasyon k ap fèt ant rejim Karakas la avèk opozisyon an nan peyi La Barbad.

XS
SM
MD
LG