Accessibility links

Foutbòl: Seleksyon Nasyonal Kore di Sid la Gen Yon Nouvo Antrenè

  • Jean Robert Philippe

Federasyon Foutbòl Kore di Sid la deziye Cho Kwang-rae kòm nouvo antrenè seleksyon nasyonal la apre demisyon Huh Jung-moo.

Kontra nouvo antrenè a ak ekspire an 2012 jis avan kòmansman eliminatwa kalifikatif pou koup dimond foutbòl ki gen pou dewoule o Brezil an 2014. Kore di Sid gen pou l jwe yon match amikal kont Nijerya le 11 Out.

Nijerya ak Meksik kalifye pou ka de final koup dimond feminen U-20 an k ap dewoule an Almay apre 2 ekip yo fin è match nil 1 a 1.

Japon elimine malgre li kale Angletè sou yon skò 3 a 1 pou l fini an 3èm pozisyon ak 4 pwen nan gwoup C a. Nan gwoup D a Kore di Sid ak Etazini jwenn kalifikasyon yo pou ka de final konpetisyon an: Etazini bat Kore di Nò 1 a 0 pou l fini nan tèt gwoup la ak 7 pwen.

Bò kote pa yo, malgre defèt sa a, Nò Koreyen yo ki gen 6 pwen kalifye pou pwochen faz la. Nan lòt rankont ki dewoule nan gwoup la, Gana elimine malgre li bat La Swis 2 a 0.

La Swèd, Kore di Nò, Kolonbi ak Almay te déjà gen tikè yo pou kar de final la depi Madi 20 jiyè a.

Vedèt baskètbòl ameriken Amare Stoudemire pap jwe pou Etazini nan okazyon chanpyona dimond baskètbòl la akoz pwoblèm asirans. Seleksyon Nasyonal Baskèt Ameriken an ta dwe kòmanse seyans antrenman yo depi madi 20 jiyè a. Koup dimond la ap demare 28 Out nan peyi Turki.

Dirk Nowitzki, k ap jwe nan Dallas Marvericks, pap fè pati Seleksyon Nasyonal almay la nan okazyon chanpyona dimond sa a. Federasyon Basketbòl Alman an anonse nouvèl la menm jou madi a. Nowitzki va kòmanse jwe pou Lalmay lè peyi sa a va patisipe nan chanpyona Ewopeyen anan 2011, yon tounwa k ap sèvi pou kalifikasyon ekip yo pou Je Olenpik yo an 2012. Je sa yo ap dewoule nan vil Lond.

XS
SM
MD
LG