Nan yon deklarasyon Royal Caribbean pibliye, li te di 95% nan moun ki abò yo te pran vaksen kont kowonaviris la, e pami moun ki enfekte gen ladan yo pasaje ak ekipaj.
Zile nan Karayib yo tankou Curacao ak Aruba, pat pèmèt bato a jete lank sou teritwa yo. Bato a ap rete sou lanmè jiskaske li retounen nan Fort Lauderdale, Florid 26 desanm.
Dapre USA Today "Odyssey of the Seas" gen 3,587 pasaje abò ak 1,599 manm ekipaj.
Dapre sa konpayi a di laprès, tout 55 moun ki enfekte yo pran vaksen kont kowonaviris la, e plizyè nan yo san sentòm.
Sa a se dezyèm epidemi kowonaviris yo idantifye sou yon bato Royal Caribbean nan mwens pase yon semèn.