Accessibility links

Breaking News

FIFA Pibliye Klasman Pou Mwa Oktòb 2010 la


FIFA Pibliye Klasman Pou Mwa Oktòb 2010 la

Klasman an revele Kwasi ak Larusi figire pami 10 meyè seleksyon mondyal. Vis chanpyon dimond la, la Oland, klase 2èm devan Brezil, Allmay, Ajantin, Angletè, Irugwe, Potigal, Kwasi ak Rusi.

Etazini desann nan 25èm plas, Meksik klase 28èm. Ayiti klase 128èm. Klasman an pran an konsiderasyon 156 match – gen yon total 641 rankont ki jwe depi ane 2010 la kòmanse.

Inter de Milan kapab monte yon maswife lè l ap akeyi nan San Siro klib anglè Tottenham mèkredi 20 oktòb la. FC Barselòn ap rankontre FC Compenhag. Lyon ap akeyi Benfica de Lisbòn.

Cristiano Ronaldo te an fòm tankou bas nan viktwa 2 a 0 Real Madrid ranpòte devan Milan AC nan match lig chanpyon Ewopeyen ki jwe nan stad Santiago Bernabeu.

Sipriz se viktwa 3 a 1 klib Swis Bal ranpòte devan AS Ròm nan gwoup E a. Gwoup F Chelsea wouze Spartak de Moskou ak yon viktwa 2 a 0 nan vil Moskou. Nan gwoup H la Arsenal krabinen Shaktar Donetsk 5 a 1. Klub sa yo ap rankontre le 3 novanm.

Komite Ethics FIFA a ap tande depozisyon 2 manm komite ekzetif FIFA ki t ap ofri pou vann vòt yo bay 2 peyi ki kandida pou akeyi koup dimond 2018 ak 2022 a.

Yon videyo yon jounal nan vil Lond pibliye sou entènèt la montre Nijeryan Amos Adamu ak Tahiysen Reynald Tamarii k ap mande yon jounalis Sunday Times ki te poze kòm lobiyist lajan an retou pou l vote an favè Etazini yon nan peyi k ap chache akeyi koup dimond la.

2 manm komite ekzekitif la t ap mande lajan pou yo konstwi enstalasyon spòtif nan peyi yo.

Federasyon Foutbòl Italyen anonse antrenè seleksyon U-21 Pierluigi Casiraghi demisyone apre yon antant 2 pati yo jwenn antre yo.

Casiraghi abandone pozisyon an apre li pa rive ede seleksyon an kalifye pou chanpyona Eropeyen 2011 la. Italyen yo pèdi nan match de baraj fas a Belarus-defèt ki vle di seleksyon foutbòl Italyen an ap rate Je Zolenpik Lond 2012 yo.

XS
SM
MD
LG