Accessibility links

Enspeksyon FIFA Nan Peyi Ki Kandida Pou Oganize Mondyal 2022 a

  • Jean Robert Philippe

—Yon delegasyon enspektè FIFA rive nan Kore di Sid kote yo pral enspektè enstalasyon spòtif peyi a ki kandida pou òganize koup dimond la an 2022. Delegasyon an ki déjà vizite Japon, pral jete yon kout je sou stad yo, enstalasyon , mwayen kominikasyon ak yon sant nasyonal pou antrenman foutbòlè avan yo ale an Ostrali dimanch.

Prezidan delegasyon an, chilyen Harold Mayne-Nicholls ki t ap rankontre la près, chante lwanj pou enfrastrikti peyi Japon ki, daprè li, se yon enfrastikti ki byen balanse. Gouvènman Japonè a bay garanti finansye si FIFA chwazi peyi a kòm òganizatè nan 12 zan.

Responsab foutbòl yo nan Sao Paolo poko pran yon desizyon final sou konstriksyon yon nouvo stad ki ta pèmèt yo chwazi vil sa a kòm youn nan 12 metwopòl o Brezil kote match mondyal la pral dewoule an 2014.

—Vedèt foutbòl ameriken Landon Donovan kapab siyen yon kontra ak klib foutbòl premye divizyon anglè Manchester City dapre anons klib la fè mèkredi 21 jiyè a. Sous ki pwòch Manchester City fè konnen Donovan kapab touché 7 milyon dola pa sezon si pati konsène yo jwenn yon antant sou transfè a.

Atakan ameriken an ap touche pou le moman mwens ke 2 milyon 300 mil dola nan Los Anjeles Galaksi. Daprè kalkil dirijan Galaksi yo ak responsab lig foutbòl ameriken yo, Donovan te vo ant 8 a 10 milyon dola avan koup dimond Afrik di Sid la.

—Pou yon 7èm fwa numewo 1 gòlf mondyal la, ameriken Tiger Woods, okipe tèt klasman atlèt ki resevwa plis lajan pou ane a. Jounal "Sport Illustrated" estime Woods ap mete nan pòch li 90 milyon dola ane sa a malgre yon rediksyon 22 milyon dola sou kòb misye te fè nan ane 2009 la.

Bò kote pa l, yon lòt jwè gòlf, Phil Mickelson, ap mete nan kont an bank li plis pase 61 milyon dola. Pami lòt atlèt ki sou lis la, nou jwenn boksè Floyd Mayweather Jr, basketè Lebron James, Shaquille O’Neal, Dwayne Wade ak Kobe Bryant, jwè baseball Alex Rodriguez, Derek Jeter, epi jwè foutbòl ameriken Peyton Manning.

XS
SM
MD
LG