WASHINGTON, DC —
Ansyen Lidè Kominis Kiben Fidel Castro Mouri, daprè nouvèl Televizyon Leta a bay nan La Avàn. Li Te Gen 90 Zan. Otorite yo poko presize kòz lanmò a.
Fidel Castro te fè Kiba tounen premye peyi kominis sou kontinan ameriken an. Li te dirije Kiba kòm Premye Minis ant 1959 e 1976; epi kòm Prezidan ant 1976 e 2008. Kèk obsèvatè konsidere li kòm “chanpyon sistèm kominis la e kòm yon ennmi fawouch lenperyalism.”
Fidel Castro te sèvi tou kòm Premye Sekretè Pati Kominis la nan Kiba depi 1961 rive jous nan lane 2011.
Sou gouvènman Fidel Casto a, Kiba te tounen yon peyi ak yon sèl pati politik. Rejim nan te nasyonalize sektè komès ak endistri a, epi li te aplike refòm sosyalis nan tout sosyete kibèn nan.