Accessibility links

Ayiti: Salè Minimòm 350 Goud la Antre an Vigè Madi Premye Out 2017 la

  • Ekip Sèvis Kreyòl VOA

Ouvriye faktori yo nan asanblaj L.V. Myles nan Pòtoprens

Nouvèl ki sòti Ayiti fè konnen se madi 1e out la ogmantasyon salè minimò 350 goud la ap antre ann aplikasyon pou ouvriye endistri sou tretans yo dapre yon dekrè prezidansyèl chèf leta a Jovenel Moise te pibliye 27 jiyè pase a.

Ogmantasyon sa a rive nan moman sektè sendikal la lanse yon semen pwotestasyon soti lendi 31 jiyè a pou rive vandredi 4 out 2017 kap vini la. Dapre dekrè prezidansyèl la ogmantasyon salè a soti nan 400 goud pou yon seri travayè pou l fini a 200 goud pou sèten lòt apre 8 tèd tan travay.

Premye jounen manifestasyon ouvriye faktori yo pou lendi 31 jiyè a pat reyisi akoz prezans lapolis tou pre faktori yo nan zòn ayeropò entènasyonal Pòtoprens la. Korespondna lavwadlamerik Renan Toussaint rapòte ke ouvriye yo ap etidye lòt estrateji pou rive manifeste jodi madi 1 out la dat ogmantasyon salè a antre an vigè a yon fason pou yo kontinye reklame 800 pa jou.

XS
SM
MD
LG