Accessibility links

Breaking News

Etazuni Make 20e Anivese Atak 11 Sept, Pandan Biden ap Chache Tounen Paj la


Ex Prezidan Bill Clinton, ansyen premye dam Hillary Clinton, ex Prezidan Barack Obama, ansyen premye dam Michelle Obama, Prezidan Joe Biden, Premye Dam Jill Biden ak responsab vil Nouyok, 11 Sept. 2021.

Ore 11 Septanm 2001, te vin reyalite nan 102 minit selman. Jou sa a, 2,996 moun pedi lavi yo nan atak teworis pi grav ki janm fet nan istwa mond modenn nan.

19 ane, 10 mwa, 3 semenn ak 2 jou lage nan Afghanistan te vini apre sa. Depatman Defans la konte omwens 2,325 lanmo milite Ameriken. Pesonn pa konnen egzakteman konbyen sivil mouri.

11 Septanm 2021, Prezidan Joe Biden pral eseye trase yon liy anba trajedi sa yo. Li pral rann omaj a viktim yo nan 3 lye teworis yo te sible.


Lage Global kont Teworism nan - jan yo rele'l la - te kouvri plis pase Afghanistan nan sant Azi. Li te touche moun ann Irak ak lot kwen mond lan osi lwen ke l'Afrik. Ann Irak, konfli a te touye preske 4,500 solda Ameriken ak plizye santen milye sivil.

Depi Prezidan Biden pran dezizyon pou rale twoup Ameriken yo soti Afghanistan nan fen mwad Out la, li soulve gwo pale anpil. Men tou li pran desizyon fem pa rapo ak kestyon an. Li deklasifye pa egzanp, yon seri dokiman ki taka revele verite sou evenman 11 Septanm yo. Li mete o zeka tou, gouvenman Taleban ki sezi pouvwa a nan peyi Afghanistan nan moman Ameriken yo tap kraze yon kite sa.


3 Lye

Samdi, Biden pral vizite 3 lye teworis yo te vize: vil Nouyok, kote a 8:46 du maten - yon bel jounen kote soley la tap briye, vol 11 konpayi ayeryenn American Airlines te frape bilding no Sant Komes Mondyal la - e kote 17 minit pi ta, vol 175 konpayi ayeryenn United Airlines te frape bilding sid la.

Li pral vizite Pantagon nan tou, kote vol 77 konpayi ayeryenn American Airlines te frape yon miray 34 minit pi ta. Epi separeman, prezidan an ak Vis Prezidant Kamala Harris pral rann omaj ak viktim ki te mouri sou yon chantye izole nan Shanksville, eta Pensilvani, ki se kote viktim ki te abo vol 93 konpayi ayeryenn United Airlines te pedi lavi yo.

Se yon klotu preske sinematik 20 an ki pase yo, dapre pwofese istwa Jeremi Suri, ki anseye nan Univesite eta Texas nan vil Austin.

"Prezidan an ap mete aksan sou 20 ane ki pase yo," pwofese Suri di VOA. " E lap aji tankou yon istoryen le li di nou mete fen nan yon epok terib, menm jan yo te fe'l apre Dezyem Ge Mondyal la, e kounyea li le pou pran nouvo desizyon, menm jan (prezidan) Harry Truman te fe'l apre epok Dezyem Ge Mondyal la."

Suri, ki ekri plizye liv sou prezidans la ak politik etranje Etazuni, deklare istoryen yo ka we lojik ki ankadre prezidan an nan moman sa a.

"Men nou konstate tou, menm jan nou toujou fe'l ke yon epok pa fini le yon nouvo komanse," pwofese a deklare. "Mwen kwe n'ap viv yon epok diferan depi eleksyon 2020 an, e n'ap viv yon lot reyalite ak la Chinn kap ranmae pouvwa. Gen anpil pwoblem ki te egziste sa gen 20 an de, ki egziste toujou, yo poko rezoud jan nou konn ekri nan liv istwa nou yo."

Konseye adjwen sou sekirite nasyonal Elizabeth Sherwood-Randall di sa ki pi enpotan an se nan moman le mond ap make 20 lane depi atak 11 Septanm yo, yon atak teworis grav konsa poko janm fet anko.

Korespondan Mezon Blanch VOA, Anita Powell, ekri vesyon orijinal teks sa a

XS
SM
MD
LG