Vis prezidan Etazini Joe Biden ateri nan vil Meksiko nan peyi Meksik kote li pral rankontre separeman avèk prezidan meksiken an, Felipe Calderon e ak 3 kandida prezidansyèl k ap chache ranplase msye Calderon ane sa a.
Vyolans sou fwontyè ak kontrebann dwòg sanble ap nan tèt lis sijè pou diskisyon. Msye Biden pral vwayaje Honduras madi 6 mas la pou l rankontre avèk Prezidan Porfirio Lobo ak kèk lot chèf deta rejyonal pou diskite sou zafè dwòg ak kesyon sekirite.