Minis jistis ameriken an, Eric Holder, anonse Lèzètazini akize ofisyèlman 10 sitwayen meksiken dèske yo ta mele nan asasinay yon anplwaye konsila ameriken an nan vi Juarez ansanm ak 2 lòt moun ane pase.
Mesye Holder –ki t ap abòde dosye a mèkredi 9 mas 2011 la--- di aksyon Lèzétazini an demontre peyi sa a pa pare pou l tolere zak vyolans kont fonksyonè leta k ap pwoteje sitwayen ameriken.
Bandi arme te ouvè kout zam nan moman yon anplwaye konsila a, Leslie Ann Enriquez Catton, mari li, plis mari yon lòt anplwaye konsila a, t ap sòti nan yon fèt anivèsè ki t ap dewoule nan konsila a sa gen yon lane.
Otorite yo poko rive konnen pou ki rezon bandi yo te ouvè kout zam nan konsila a.