Accessibility links

Breaking News

Lèzetazini Anrejistre 500 000 Moun Ki Mouri Anba Kowonaviris


Prezidan Joe Biden pwomèt pou l ogmante èd Lèzetazini ap bay nan lit kont KOVID-19 la.

Lèzetazini anrejistre 500 mil moun ki mouri anba maladi KOVID-19 la, swa pi gwo kantite viktim pase tout lòt peyi nan lemond, daprè Sant Rechèch sou Kowonavirs Inivèsite Johns Hopkins nan. Prezidan ameriken an, Joe Biden, gen pou l abòde dosye moun viris la touye yo nan sware jounen lendi 22 fevriye a nan La Mezon Blanch; ansuit pral gen yon moman silans avèk yon seremoni retrèt-o-flanbo.

Doktè Anthony Fauci –pi gwo espesyalis ameriken nan kesyon maladi enfektyez e ki, dayè, se Direktè Enstiti Nasyonal Alèji ak Maladi Enfektyez- pale dimanch sou antèn CNN kote li deklare:

“Aprè plizyè dizèn dane, moun pral pale de jan nou te jere pandemi sa a kòm yon evennman teribleman istorik (?) nan istwa peyi sa a: pou tout gwo kantite moun sa yo mouri anba yon enfeksyon yo pran nan yon bagay yo respire.”

Doktè Anthony Fauci, direktè Enstiti Nasyonal Alèji ak Maladi Enfektyez, chèf ekip espesyal La Mezon Blanch fòme pou dirije lit kont KOVID-19 la.
Doktè Anthony Fauci, direktè Enstiti Nasyonal Alèji ak Maladi Enfektyez, chèf ekip espesyal La Mezon Blanch fòme pou dirije lit kont KOVID-19 la.

Pou make jounen kote kantite viktim kowonaviris yo rive nan chif 500 mil Ozetazini, jounal New York Times te dedye yon gwo plas nan premye paj edisyon dimanch 21 fevriye a, kote moun ka wè yon desen ki gen sou li preske 500 mil ti mak ki reprezante chak nan moun ki sikonbe anba viris motèl sa a Ozetazini.

XS
SM
MD
LG