Depatman imigrasyon Ozetazini anile amand 6 chif li te enpoze kont imigran ilegal ki te pran refij nan legliz atravè peyi a. Dapre yon lwa ki te pase nan lane 1996, imigran ki pat reyisi respekte lòd depotasyon yo te resevwa, yo te dwe peye yon amand ant 300 a 500 mil dola.
Nan kad demach pou lage koukourouj deyè imigran ilegal, prezidan ameriken an, Donald Trump te siyen yon dekrè nan lane 2017 pou mande ajans la kòmanse kolekte lajan sa a. Men yon kowalisyon avoka imigrasyon ak gwoup dwa moun ki te reprezante 7 fi yo te vize ki tap viv nan yon legliz te konsidere amand sa a ilegal