Accessibility links

Etazini: Demokrat yo Mande Prezidan-Eli a Donald Trump pou li Retire Enterè li nan Hotel Trump Entènasyonal la nan Washington D.C.


REUTERS - Donald Trump ak Fanmi li kap koupe riban nan okazyon seremoni ouvèti nouvo Hotel Trump Entènasyonal la nan WASHINGTON, D.C. 26 oktòb, 2016.

4 palmantè Demokrat ameriken ap mande Prezidan-eli Donald Trump pou wete tout enterè li nan Hotel Trump Entènasyonal nan Washington, anvan li moute nan pòs Prezidan an nan mwa Janvye kap vini an, e yo pale de yon atik nan kontra lokasyon otèl la ki entèdi kelkeswa otorite eli a fè pwofi nan otèl la.

Nan yon lèt ki al jwenn GSA, ajans Gouvènman ki se mèt bilding otel-la e ki lwe Msye Trump li, 4 Demokrat yo fè konnen Msye Trump ta vyole kontra lokasyon an nan jou kote li prete sèman an, e yo mande ajans la kouman li pwal abòde vyolasyon sa a.

GSA, ki administre bilding federal yo nan Washington, demanti pawòl Demokrat yo nan yon deklarasyon ki soti touswit apre lèt la te vin piblik, e ajans la fè konnen li pa gen pozisyon sou kesyon sa a.

XS
SM
MD
LG