Accessibility links

Etazini ap Kite Afganistan an Jiyè 2011? Kesyon an Rete Poze

  • J. Lyonel Desmarattes

Minis defans Lèzetazini an, Robert Gates, fè yon gwo jounal ameriken konnen dat jiyè 2011 ki fikse pou sòlda Lèzetazini kòmanse kite peyi Afganistan an, se yon dat ki pap chanje --deklarasyon ki depaman ak pawòl pi gwo kòmandan misye Gates genyen sou teren an nan Afganistan, an palan de jeneral David Petraeus.

2 zòm yo dakò sou nesesite pou retrè a fèt yon fason gradyèl, se vre; men yo pa antann yo sou fleksibilite dat pou sòlda yo kòmanse pati, dat Prezidan Obama te bay ane pase a. Pandan Minis Gates t ap bay jounal Los Angeles Times yon entèvyou pou edisyon 16 out la, li di –nap site: “Pa dwe genyen okenn dout sou sa nan lespri okenn moun: nou pral kòmasne wete twoup yo nan mwa jiyè 2011.”

Sepandan, Jeneral Petraues ki tap abòde dosye a sou chèn televizyon NBC nan pwogram Meet The Press, deklare retrè twoup yo nan Afganistan an jiyè 2011 pral depann de nivo sekirite a nan peyi a. Dayè, daprè kòmandan twoup militè ameriken yo nan Afganistan, objektif plan Prezidan Obama genyen pou l fè sòlda yo kite peyi sa a repoze jisteman sou kondisyon sekirite a.

UJeneral la di: " Prezidan an trè klè sou sa a, Vis-Prezidan Biden trè klè sou sa tou ; li te pale pi resamman sou sa pou l di se yon dat kote pwosesis la ap kòmanse. E, daprè jan kondisyon yo va ye, nou pral transfere diferan travay bay kòlèg afgan nou yo, bay fòs sekirite ak enstitisyon afgan yo; sa ap pèmèt map site :« yon rediksyon responsab efektif militè nou.»

Jeneral Petraeus di lap bay Prezidan Obama pi bon konsèy posib la an tan ke yon militè pwofesyonèl; e li pap ezite di prezidan an sa l panse, si l kwè dat ki fikse a se yon dat ki pa reyalis. Daprè kòmandan Petraeus toujou, lagè kont Taliban yo e yon lagè k ap evolye «en dents de scie», sètadi ki bay rezilta monte desann.

XS
SM
MD
LG