Accessibility links

Yon Bato Degè Ameriken Navige Toupre Lanmè Ki an Diskisyon ant Lachin ak Lòt Peyi nan Rejyon an

  • Ekip Sèvis Kreyòl VOA

Bato degè ameriken destroyer Maren ki pote non USS Stethem nan lanmè a lès prèskil Koreyen an pandan yon ekzèsis militè ak sèvis maren Kore di Sid, yon operasyon yo rele: Operation Foal Eagle.

Yon bato destroyer ameriken navige nan distans 12 mil-maren tou pre yon ti zile ki an diskisyon nan Lanmè Sid Lachin ke 3 gouvènman sou kontinan Azi a reklame. Lachin, Taiwann ak Vyetnam, reklame zile Triton an.

Lachin deplwaye bato militè ak avyon konba nan zòn nan dimanch 2 jiyè 2017 la e li akize USS Stethem kòmkwa li ta antre nan teritwa entèdi.

Yon otorite nan gouvènman ameriken an fè konnen Stethem t ap fè yon ekzèsis inosan pou demontre dwa li pou l navige nan dlo ki an diskisyon yo.

Lu Chang, pòtpawòl ministè afè etranjè chinwa a pibliye yon deklarasyon kote li fè konnen aksyon Etazini an sete “yon pwovokasyon politik e militè” grav e ke operasyon konsa “vyole dwa granmoun Lachin e menase sekirite peyi a.”

XS
SM
MD
LG