Reyaksyon sou retou ansyen prezidan ayisyen Jean-Claude Duvalier nan Pòtoprens dimanch 16 janvye 2011 la. Avèk prezans J-C Duvalier sou sèn nan ann Ayiti, anpil obsèvatè ap poze kesyon pou mande eske ansyen prezidan avi a pral jwe yon wòl nan politik peyi a nan yon moman kote Ayiti ap fè fas ak anpil pwoblèm nan diferan domèn: sosyal, ekonomik, politik, elatriye.
Kesyon sa a rete poze sitou paske, nan yon deklarasyon tou kout Duvalier fè aprè li te fin debake nan Ayewopò Entènasyonal Toussaint Louverture la, li di: "Mwen vini pou m ede." Nan yon entèvyou avèk Serge Rodriguez, pwofesè Jean-Robert Simonise plase retou ansyen lidè ayisyen an nan kontèks li.
Klike sou lyen anlè a, adwat paj wèb la, pou w koute yon entèvyou pwofesè Simonise avèk Serge Rodriguez.