Accessibility links

Ensètitid Finansyè nan Lagrès Lakoz yon Bès nan Mache Labous la

  • VOA Nouvèl

Gwo mache labous nan Nouyòk , Lond, Pari, ak Frankfòt sibi yon bès plis pase 2%

Prensipal mache labous Ozetazini ak kontinan ewopeyen an degrengole. Enterè sou lajan Itali mande prete a ogmante nan moman lombray kriz dèt kontinan an kontinye ap bay gouvènman grèk la ak gouvènman italyen an gwo laperèz.

Gwo mache labous nan Nouyòk , Lond, Pari, ak Frankfòt sibi yon bès plis pase 2%, yon bagay ki gen pou wè ak ensètitid finansyè ki egziste jounen jodi a nan vil Atèn ak Wòm.

Nan fen jounen an --- ki deja rive nan bout li nan Ewòp---- premye minis sòtan Lagrès la George Papandreou deklare nan televizyon bay tout nasyon grèk la ke limenm ak opozisyon an deja jwenn yon antant sou fòmasyon yon gouvènman kowalisyon.

Gouvènman enterimè sa a pral gen pou l mete anplas mezi mare-senti kreyansye entènasyonal yo ap egzije nan men Lagrès.

XS
SM
MD
LG