Nan Kolonbi, dènye gwoup rebèl ki rete nan peyi a, Lame Liberasyon Nasyonal la (ELN), libere 6 moun li te pran ann otaj mwa pase a. Pami otaj sa yo genyen 3 ajan-d-polis, yon solda ak 2 pwofesyonèl sivil ki travay sou kontra. Yo jwenn liberasyon yo jodi jedi a nan Pwovens Choco, nan pati lwès peyi a, e ELN remèt yo bay dirijan yon misyon byenfezans ki gen ladan n manm Lakwa Wouj Entènasyonal.
Prezidan kolonbyen an Ivan Duque sispann negosyasyon lapè gouvènman an t ap fè avèk ELN yon ti tan apre li te monte sou pouvwa a mwa pase a, e li egzije pou gwoup la mete fen nan tout aktivite kriminèl li yo -pami yo gen kidnaping- epi libere tout otaj ki anba men li yo.
Misye Duque pran angajman pou l re-ekri akò lapè gouvènman predesesè li a, Juan Manuel Santos, te negosye avèk gwoup rebèl FARC (Fòzame Revolisyonè Kolomnbi) e ki te mete fen nan yon gè sivil ki te la depi 50 tan. ELN, ki genyen mil 500 manm, refize siyen akò sa a.