Accessibility links

Breaking News

Eleksyon Primè Dewoule Nan 5 Eta Ameriken


Ozetazini, elektè yo te al vote nan 5 eta madi 24 jiyè a pou yo chwazi kandida ki pral patisipe nan eleksyon mi-manda ki pral dewoule nan mwa novanm nan pou renouvle manm kongrè a.

Manm veteran kongrè a te gen yo fè fas ak kèk defi difisil devan kandida ki pa politisyen pwofesyonèl nan divès kous elektoral, pa le fèt ke elektè yo genyen lakay yo santiman negatif anpil kont pouvwa an plas la.

Nan eleksyon sa yo, votan ameriken yo te genyen pou chwazi kandida pou tout Chanm Depite a ak yon tyè Sena a. Youn nan venkè yo, se repibliken John Mc Cain ki prale dèyè yon lòt manda kòm senatè Eta Arizona.

Senatè Mc Cain deklare: "Mwen gen konviksyon Repibliken yo pral ranpòte laviktwa an novanm e yo pral repran majorite nou an ni nan Sena a ni nan Chanm dè Reprezantan."

Kendrick Meek
Kendrick Meek

Nan Eta Florid, kandida demokrat Kendrick Meek ranpòte nominasyon pati l la pou l ale dèyè yon syèj nan sena a; misye bat òmdafè milyadè Jeff Greene ki te depanse plizyè milyon dola (lajan ki te sòti nan pòch li) pou l te fè piblisite pou kanpay li a.

Nan eleksyon novanm nan, Misye Meek pral fè fas ak gouvènè an plas la, Charlie Chris, ki tounen yon kandida endepandan aprè li te pèdi apui pati repibliken an ki te kore pito yon advèsè li, Marco Rubio.

Marco Rubio
Marco Rubio

Misye Rubio ranpòte nominasyon repibliken an pou l ale dèyè yon plas nan Sena a; e misye fè konnen eleksyon mi-manda a se pral yon referandòm sou politik otorite yo ap mennen nan Washington.

Mesye Rubio di: "Kounyela a, Lèzetazini Damerik prale nan move direksyon an. Epi, kite m pale n franchman: se tou lè 2 pati yo ki responsab. Bagay yo pa bon menm nan Washington."

XS
SM
MD
LG