Accessibility links

Ekip New York Red Bulls Angaje Kaptèn Seleksyon Foutbòl Nasyonal Meksik la

  • Jean Robert Philippe

Kapitèn Seleksyon Nasyonal Meksiken an Rafael Marquez siyen yon kontra ak New York Red Bulls 2 jou apre FC Barselòn libere l.

Rafael Marquez, ki se yon defansè, ap rejwenn fransè Thierry Henry ki te siyen yon kontra ak Red Bulls sa pa gen lontan. Marquez jwe 94 rankont pou seleksyon nasyonal Meksiken an.

Marquez ede FC Barselòn ranpòte 2 tit chanpyon Lig ewopeyen, 4 tit lig espayòl la, yon Supercoup Ewopeyen ak yon koup Wa Despay pandan 7 sezon ak yon total 13 gòl li make.

FIFA bay Federasyon Foutbòl Soudanè a 2 semèn pou l òganize nouvo eleksyon endepandan sinon y ap sispann li de tout aktivite entènasyonal.

Nan sant deba a se yon diskisyon ant federasyon an ak yon komisyon spòtif gouvènman an. Komisyon an anonse plizyè kandida pami yo prezidan sòtan an pa kapab kandida.

Kèk lòt kandida resevwa lòd pou peye yon frè si yo vle kandida pou pòs prezidan federasyon foutbòl peyi a.

XS
SM
MD
LG