Novak Djokovic kale Nick Kyrgios 4-6, 6-3, 7-6 nan final maskilen Wimbledon nan pou'l ranpòte 7èm chanpyona Wimbledon ni.
Nimewo 1 tenis mondyal la, Djokovic ranpòte 28 match youn apre lòt nan Wimbledon e li ogmante palmarès li a 21 twofe enpòtan.
Sa mete misye preske egal ego ak Rafael Nadal ki ranpòte 22 twofe - ki se yon akonplisman istorik nan domèn tenis la.
Djokovic, ki gen 35 an, tounen dezyèm jwè maskilen pi aje ki ranpòte chanpyona Wimbledon nan nan epòk pwofesyonèl la.
Kyrgios limenm, ki klase 40èm mondyal tap eseye tounen premye chanpyon maskilen ki pa klase pami pi bon yo depi Goran Ivanisevic te fè'l an 2001.
Ivanisevic ap travay kounyea kom antrenè Djokovic e li te asiste match la, kote li te chita nan youn nan syèj espesyal yo pou swiv de pre.
