Accessibility links

Breaking News

Demokrasi: Prezidan Etazini Joe Biden Rekonèt Feblès Pwòp Peyi-li-a


조 바이든 미국 대통령이 9일 워싱턴 국무부 건물에서 민주주의 정상회의를 개최했다.

Prezidan Etazini Joe Biden rekonèt feblès pwòp peyi-li-a lè-l te ouvè yon Somè sou Demokrasi ki rasanble sou entènèt la lidè mondyal-yo, sosyete sivil ak sektè prive-a a.

"Prezante yon pwogram djanm pou relanse demokrasi epi takle pi gwo menas ki devan demokrasi-yo jounen jodi-a, gras ak yon aksyon kole-zepòl."

"Fas ak defi ki bay kè-sote e ki kanpe devan demokrasi, devan dwazimen inivèsèl toupatou, Demokrasi bezwen chanpyon," se sa Biden di pou derape evènman sa-a k-ap dire 2 jou. Li ajoute, "Mwen te vle prezide somè sa-a paske isit nan Etazini, nou konnen menm jan ak kèlkeswa moun nan, relanse demokrasi e ranfòse enstitisyon demokratik-nou-yo, sa mande efò san rete."

Pou premye fwa, Etazini gen yon etikèt "demokrasi k-ap fè bak" nan rapò 2021 ke Enstiti Entènasyonal pou Demokrasi ak Asistans Elektoral pibliye pou mwa Novanm pase. Li jwenn move kanè sa-a sitou akoz yon defi ki devan rezilta eleksyon 2020-yo, defi ki te debouche sou evènman kote sipòtè ansyen prezidan-an te anvayi bilding kapitol Etazini-an, 6 Janvye pase-a.

Biden abòde somè-a ak anpil imilite, paske li rekonèt li gen pwòp pwoblèm lakay li pou rezoud, dapre Steven Feldstein, yon manm wo-plase nan gwoup Carnegie pou Fasilite Lapè Entènasyonal.

Facebook Forum

XS
SM
MD
LG