Accessibility links

Breaking News

Delegasyon Ayisyen an Pran Direksyon Vil Wanament Pou Premye Rankont Komisyon Bilitaral Ayiti-Repiblik Dominikèn nan


Haitian Prime Minister
Se Madi 7 Janvye a somè ayisyano/dominiken an ap dewoule nan vil Wanament kote reprezantan 2 peyi yo pral diskite kesyon imigrasyon, komès ak dwazimen. Korespondan nou Clarens Renois, k ap reponn kesyon Jean Robert Philippe, di nou Premye Minis ayisyen an, Laurent Lamothe, k ap prezide delegasyon an rankontre lendi ak sektè prive ayisyen an anvan li te mete tèt pou Wanament.

Premye Minis Laurent Lamothe ap dirije delgasyon ayisyèn nan ki gen ladann minis Afè Etranjè a, Pierre Richard Casimir, minis enteryè ak Kolektivite Teritoryal yo, David Basil, Minis Komès ak Finans la, Wilson Laleau, ak ekonomis ayisyen Nesmy Manigat. Delegasyon dominiken an ap gen nan tèt li Minis Prezidans la, Gustavo Montalvo ak 4 lòt Minis. 2e rankont ant 2 peyi yo dwe dewoule nan Santo Domingo, kapital Repiblik Dominikèn nan yon dat responsab yo va anonse.

Fè yon klik sou ikòn ki anba, agoch, atik sa a pou n koute eksplikasyon korespondan Clarens Renois nan mikwo Jean Robert Philippe sou tèm sa a.
XS
SM
MD
LG