Accessibility links

Etazini: Prezidan Obama Lanse Avètisman Kont yon Gwo Kriz Ekonomik nan Peyi a

  • VOA Nouvèl

Prezidan ameriken an Barack Obama nan yon diskou li bay nan la mezon blanch lan nan dat lendi 25 jiyè 2011 la sou negosyasyon dèt nasyonal peyi a

Palmantè ameriken yo ap diskite madi 26 jiyè 2011 la sou yon seri “pwopozisyon plan” pou ogmante plafon dèt gouvènman federal la, pandan delè pou Mezon Blanch ak Kongrè jwenn yon antant sou kesyon sa a ap vanse.

2 pati yo genyen jouk 2 dawout pou yo mete yo dakò sou yon plan. Prezidan Barack Obama deklare nan yon mesaj li voye bay Kongrè a ke chanm-nan ap kouri risk pou l deklanche yon “gwo kriz ekonomik” si depite yo pa jwenn yon konpwomi sou Plafon dèt la disi 2 dawout la.

Kèk èd tan anvan diskou misye Obama a, Sena a (ki anba kontwòl Demokrat yo) ak Chanm depite a (ke repibliken yo kontwole) prezante yo chak yon plan sou limit dèt nasyon an kapab kontrakte; tou 2 plan yo pral koupe nan depans gouvènman an e limite kantite lajan peyi Etazini kapab prete.

Nan Mesaj li a, Prezidan Obama apiye plan lidè majorite demokrat nan Sena a, Harry Reid, pwopoze a ---plan ki prevwa koupe 2 mil milya 700 trilyon dola nan depans gouvènman an e ogmante plan dèt la pou jouk eleksyon jeneral mwa novanm 2012 la.

Nan repons pati repibliken an, lidè majorite repibliken nan chanm depite a, John Boehner, rejte pwopozisyon sena a li di ki chaje ak : kalkil kontabilite fo-mamit ” ak truk Washington”.

Boehner, okontrè pwopoze koupe mil milya 200 trilyon nan depans gouvènman an e ogmante plafon dèt la de mil milya e, si posib, ogmante li ankò ane pwochèn pandan y ap fè plis rediksyon nan depans gouvènman an epi refòm sistèm enpo a. Prezidan Obama di Plan misye Boehner a ofri sèlman yon solisyon a kou tèm ki pa rezoud pwoblèm nan.

XS
SM
MD
LG