Accessibility links

Etazini-Prezidansyèl : Bernie Sanders Apiye Hillary Clinton nan Premye Jou Konvansyon Demokrat la


Ansyen prezidan Bill Clinton ki tap swiv diskou Bernie Sanders fè nan konvansyon dmokrat la nan Filadelfi, Pennsilvani, lendi 25 jiyè 2016 la pou l apiye piblikman Hillary Clinton kòm kandida pati demokrat la.

Isit Ozetazini, pati demokrat la ouvè konvansyon nasyonal li a lendi 25 jiyè 2016 la nan vil Filadelfi, nan Eta Pennsilvani, ak yon efò pou li mete deyè do li kèk moman negatif nan yon kanpay elektoral la. Pou lidè demokrat yo reyalize objektif sa a, yo te mete sou podyòm nan kèk nan pi gwo pòsonalite pati a ki pote yon apui piblik bay kandida demokrat pou pòs prezidan an, Hillary Clinton.

Bernie Sanders nan fen diskou li fè nan konvansyon demokrat la nan Filadelfi, lendi 25 jiyè 2016 la.
Bernie Sanders nan fen diskou li fè nan konvansyon demokrat la nan Filadelfi, lendi 25 jiyè 2016 la.

Pami oratè sa yo te genyen Premyè Dam Lèzetazini an, Michelle Obama, senatè Eta Massachusetts, Elizabeth Warren, ak senatè Eta Vermont la Bernie Sanders, ki te fini kous pou nominasyon an an 2èm pozisyon dèyè Madam Clinton. Misye Sanders deklare peyi a bezwen yon bon lidè ki pou mete inyon pami sitwayen yo, olye de yon lidè kap manke Latino, Mizilman, fanm, nwa-ameriken avèk veteran dega.

Bernie Sanders di : “Alòske Donald Trump pa sispann isilte yon gwoup moun aprè yon lòt, Hillary Clinton byen konprann divèsite nou se youn nan pi gwo fòs nasyon nou an.”

Klike sou lyen an lè a pou w swiv yon repòtaj anvwaye espesyal nou nan Filadelfi, Serge François Michel.

XS
SM
MD
LG