Accessibility links

Hillary Clinton Detaye Plan Ekonomik li pou Lèzetazini

  • Ekip Sèvis Kreyòl VOA

Hillary Clinton pandan li tap fè diskou sou plan ekonomik li a nan Warren, Michigan.

Ozetazini, kandida a la prezidans Pati Demokrat la, Hillary Clinton, bay detay sou pwogram ekonomik li nan yon mesaj li mete devan pèp ameriken nan vil Warren, nan Eta Michigan, pa lwen ak vil Detroit kote rival repibliken li a, Donald Trump, te fè menm bagay la pi bonè nan semèn nan.

Nan diskou Madam Clinton nan, li pretann pwopozisyon ekonomik li yo ta kapab ede yon gwo kantite nan ameriken kap travay yo, tandiske rival li a ap ofri rediksyon taks pou moun ki pi rich nan peyi a, tankou li menm. Dapre Madanm Clinton toujou, plan Trump la tap detrui ekonomi amerikèn nan, alòske plan pa l tap santre sou kreyasyon travay ak pwojè travo publik pou repare wout, pon ak ayewopò ki nan move eta nan peyi a.

Nan yon meeting ki te fèt nan Eta Iowa mèkredi 10 out la, Madanm Clinton te di plan n nan ta kapab kreye plis pase 10 milyon travay tandiske vèsyon Trump la tap lakoz mache ameriken an pèdi plis pase 3 milyon job.

XS
SM
MD
LG