Chèf sivil Misyon Nasyonzini pou Stabilizasyon Ayiti (MINUSTAH) Edmond Mullet fè konnen kominote entènasyonal la pap aksepte pou Prezidan René Préval kite pouvwa a avan 7 Fevriye.
Diplomat la reponn sektè politik k ap mande depa mesye Préval apre dewoulman eleksyon 28 novanm pase yo ki dapre anpil sektè nan vi nasyonal la te genyen iregilarite , koken ak zak vyolans.
Diplomat gwatemaltèk la ki reprezante Sekretè Jeneral l’ONU an ann Ayiti la di ankò fòk ayisyen yo aprann respekte manda yon prezidan e sispann zafè kou deta nan peyi a .
E mesye Mullet fini rapousuiv ak yon menas pou Nasyonzini ak komunote entènasyonal la leve kite Ayiti e koupe tout asistans ekonomik si tout prensip yo pa respekte tankou vòt popilè, manda prezidansyèl e latriye.
Korespondan nou yo devlope nouvèl sa pou nou ak lòt pwen k ap domine aktyalite a nan Pòtoprens ak lòt vil peyi Dayiti.
Klike sou ikon ki anwo e adwat atik la pou w tande repòtaj jounen 3 desanm 2010 la.
