Otorite yo nan eta Kalifoni fè konnen dife sovaj ki te komanse boule sa genyen plis pase yon semenn, tounen pi gwo dife ki janm pran nan tout istwa Eta a.
Gwo kokenn chenn ensandi a ---ke yo rele "Kompleks Mendo-Cino"-- se rezilta yon fizyon ant 2 dife separe ki te pran nan pati nò Eta a, e yo mete ansanm pou yo boule 115 mil ekta-tè.
Konsa dife marasa sa a depase yon dife ki te rele "Founèz Thoma" e ki te pran nan mwa desanm 2017 la.