Plizyè 100èn moun reyini devan Kongrè ameriken an mèkredi 26 septanm 2018 la ak pankat nan men yo konte yo ap mande Sena ameriken an ratifye chwa Brett Kavanaugh kòm jij pi gwo tribinal Etazini an.
Jij Kavanaugh Prezidan Trump chwazi pou ranplase yon lòt jij kap pran retrèt li, te prèske jwenn vot senatè yo ki an majorite apre yo te fin tande l.
Sepandan, Sena a oblije fè yon ti kanpe sou vòt la ann atandan yo tande deklarasyon yon dam ki di Mesye Kavanaugh te fè yon tantativ vyòl sou li lè yo te nan lekòl segondè sa gen plis pase 30 lane.