Accessibility links

Breaking News

Gouvènman Ewopeyen yo Ap Travay avèk Washington pou yon Bon Pasemen nan Òganizasyon Mondyal Sante (OMS)


Lokal katye-jeneral Lèzetazini nan Briksèl, Peyi Bèljik.

Nouvèl ki sòti nan vil Briksèl, nan Peyi Bèljik, fè konnen gouvènman ewopeyen yo ap travay avèk Lèzetazini sou divès plan pou fè yon gwo pasemen nan Oganizasyon Mondyal Sante (OMS). Se deklarasyon yon otorite wo-plase nan OMS, ki reprezante yon peyi ewopeyen nan èganizasyon an e ki ajoute:

“ Lewòp pataje kèk nan preokipasyon ki te pouse Lèzetazini lanse avètisman pou l di li byen kapab kite OMS. ”

Ofisyèl ewopeyen sa a, ki pale ak kondisyon pou laprès pa idantifye li pandan diskisyon ap fèt toujou sou kèk dosye ki poko piblik, kontinye pou l di reprezantan peyi Lagrann Bretay, Lafrans, Lalmay avèk Itali ap fè rankont avèk reprezantan Lèzetazini nan nivo teknik sou refòm ki ta dwe fèt nan OMS. Daprè ofisyel la, objektif la se “garanti endepandans òganizasyon an.”

Deklarasyon sa a reprezante yon referans klè ak akizasyon kòmkwa OMS te genyen relasyon twò sere avòk Lachin pandan premye reyaksyon li yo sou eklatman maladi kowonaviris la ki ta pral tounen yon kriz mondyal nan kòmansman ane 2020 an. Ofisyèl ewopeyen an fini pa di:

“ N ap abòde mwayen ki kapab pèmèt nou wete anba enfliyans tout peyi-manm jeneralman-kèlkonk teknik ak taktik OMS ka itilize pou l jere ijans.”

XS
SM
MD
LG