Prezidan Joe Biden di yon foul moun ki te rasanble nan Filadelfi pou yon parad Fèt Travay ke lap "kreye djòb, djòb ki peye byen, djòb ki ka ede w pran swen fanmi w, djòb sendika yo pwoteje."
Prezidan an ki se yon demokrat, te asiste parad Fèt Travay Tri-State la Lendi, kote li te pale sou enpòtans sendika yo.
Fèt Travay la ap dewoule ane sa a nan moman kote sendika Ameriken yo vinn pran fòs e yo menase pou 146,000 travayè Sendika Inifye Otomobil yo fè grèv.
Biden renmen di li se prezidan ki pi patizan sendika yo nan listwa.
Biden sèvi ak mezi egzekitif pou pwomouvwa oganizasyon travayè yo e li bay otorizasyon pou finansman federal pou kore pansyon manm sendika yo.
Evenman prezidan an asiste Lendi a, se yon evenman ke sendika travay AFL-CIO Filadelfi a te patwone.
