Biden Asiste Seremoni Sonb Pou Komemore 20e Anivese Atak 11 Sept yo
Ekip Sèvis Kreyòl VOA
Biden Asiste Seremoni Sonb Pou Komemore 20e Anivese Atak 11 Sept yo
Prezidan Joe Biden ak premye dam Jill Biden depoze yon jeb fle devan Miray Non yo pandan yon vizit nan Moniman nan l'one Vol 93 la nan Shanksville, Pensilvani, 11 Sept. 2021.
Prezidan Joe Biden komemore 202 anivese atak teworis 11 Septanm 2001 yo Samdi ak seremoni sonb epi moman silans le l'al vizite 3 lye ki reprezante atak teworis pi grav ki janm fet nan listwa mond modenn nan.
Biden ansanm ak premye dam Jill Biden asiste seremoni nan vil kote 4 avyon ak 19 teworis te lanse evenman ki te deklanche lage Etazuni te mennen pandan 20 an nan peyi Afghanistan. Premye vizit li, sete nan Nouyok, kote yo sekirite a te sere anpil. Responsab vil la, responsab eta Nouyok ak majistra vil la Bill de Blasio te souliyen pa gen "okenn menas presi ni kredib ki lanse" kont Nouyok siti.
Dives fle bo kote non moun ki te mouri nan atak teworis kont Sant Komes Mondyal la 11 Septanm 2001 nan Nouyok.
Nan komante li te anrejistre d'avans, Biden te pwofite okazyon an pou'l lanse yon apel a l'unyon nan yon peyi Etazuni kap vin de pluzanplu divize.
"Se unyon ki fe nou sa nou ye jodia," prezidan an deklare. "Pi bel Etazuni an - nan opinyon pa'm se pi go leson 11 Septanm aprann nou - ki se ke le nou vulnerab, sa ki esansyel antanke kretyen vivan nan lit pou nam Etazuni, se unyon - se sa ki pi gwo atou nou. Unyon pa vle di nou tout kwe nan menm bagay la. Men fok nou gen yon respe fondamantal ak yon fwa nan konpatriyot nou yo ak nan peyi nou."
Prezidan an komanse jounen an nan vil Nouyok, nan Sant Komes Mondyal la kote 2 avyon te frape bilding no ak sid yo, nan granm maten 11 Septanm, yon bel jounen ansoleye, sa gen 20 an desa.
Ansyen prezidan Bill Clinton ak Barack Obama te rejwenn ni ansanm ak ansyen Sekrete D'Eta Hillary Clinton, ansyen premye dam Michelle Obama ak plizye lot wo fonksyone leta.
Ex Prezidan Bill Clinton, ansyen premye dam Hillary Clinton, ex Prezidan Barack Obama, ansyen premye dam Michelle Obama, Prezidan Joe Biden, Premye Dam Jill Biden ak responsab vil Nouyok, 11 Sept. 2021.
Biden t'al nan Shanksville, Pennsilvani apre sa kote pasaje abo vol 93 yo te revolte kont teworis ki tap eseye detounen avyon an pou fe'l frape Capitol la (syej palman an).
Vis Prezidan Kamala Harris te komanse jounen an nan Shanksville limenm, akonpaye pa ansyen Prezidan George W. Bush ak ansyen premye dam Laura Bush.
Apremidi a, Biden t'al depoze yon jeb fle nan Pantagonn nan ki se lot lye gouvenman federal la teworis yo te vize.
Etazuni Komemore 20e Anivese Atak Teworis 11 Septanm 2001
1/18Ex Prezidan Bill Clinton, ansyen premye dam Hillary Clinton, ex Prezidan Barack Obama, ansyen premye dam Michelle Obama, Prezidan Joe Biden, Premye Dam Jill Biden ak responsab vil Nouyok, 11 Sept. 2021.
Montre plisShow less
2/18Ansyen majistra vil Nouyok Rudy Giuliani asiste yon seremoni pou komemore 20e anivese atak teworis 11 Septanm nan Nouyok.
Montre plisShow less
3/18Yon seremoni pou komemore 20e anivese atak teworis 11 Septanm nan Nouyok, Samdi, 11 Sept. 2021.
Montre plisShow less
4/18Polisye salye komansman seremoni pou komemore 20e anivese atak teworis 11 Septanm yo, Samdi 11 Sept. 2021 nan Nouyok.
Montre plisShow less
5/18Moun koute diskou pandan yon seremoni pou komemore atak teworis 11 Septanm 2001 yo nan Pantagon nan nan Washington, 11 Sept. 2021.
Montre plisShow less
6/18Jen gason sa a ap lapriye pandan yon seremoni nan Pantagon nan pou komemore 20e anivese atak teworis 11 Septanm yo.
Montre plisShow less
7/18Prezidan Joe Biden ak Premye Dam Jill Biden rive nan moniman 11 Septanm nan nan Nouyok, Samdi 11 Sept. 2021.
Montre plisShow less
8/18Ansyen Prezidan Barack Obama ak premye dam Michelle Obama rive nan moniman 11 Septanm Nouyok la pou asiste yon seremoni nan lone viktim atak teworis 2001 an.
Montre plisShow less
9/18Prezidan Joe Biden ak Premye Dam Jill Biden debake nan ayewopo entenasyonal LaGuardia nan Nouyok, 10 Sept. 2021.
Montre plisShow less
10/18Foto Achiv: Yon drapo Ameriken ap vole sou Pantagonn nan ki se syej depatman defans Etazuni, 11 Sept. 2018.
Montre plisShow less
11/18Foto Achiv: Chrissy Bortz ki se moun Latrobe eta Pensilvani rann omaj a moun ki mouri abo vol 93, nan moniman nasyonal la nan Shanksville, 22 Sept. 2018.
Montre plisShow less
12/18Foto Achiv: Ponpye retrete eta Nouyok, Bruce Stanley pote yon foto konfre li, Leon Smith Jr. pandan yon seremoni nan Sant Komes Mondyal la nan Nouyok, 11 Sept. 2018.
Montre plisShow less
13/18Foto Achiv: Manm milite Etazuni pran pozisyon nan Moniman Nasyonal 9/11 Pantagonn nan anvan yon seremoni ofisyel, 11 Sept. 2018.
Montre plisShow less
14/18Foto Achiv: John Pristas, yon ponpye vil Cranberry jwe twonpet pandan yon seremoni pou make anivese atak teworis 11 Septanm 2001.
Montre plisShow less
15/18Foto Achiv: Moun kap pote dey pou viktim atak 11 Septanm yo pote fle ak foto nan Moniman ak Mize Nasyonal 11 Septanm nan, nan Nouyok.
Montre plisShow less
16/18Foto Achiv: Moun kap pote dey pou viktim atak 11 Septanm yo kanpe devan Mize Nasyonal 11 Septanm nan nan Nouyok.
Montre plisShow less
17/18Yon Omaj ak Limye, 2 kolonn vetikal limye ki reprezante 2 bilding Sant Komesyal Mondyal la ki tonbe nan atak 11 Septanm 2001 an, nan Manhattan, Nouyok.
Montre plisShow less
18/18Foto Achiv: Moun eta Kansas salye otomobilis kap pase sou yon otowout nan vil Pomona, 11 Septanm 2015.
