Accessibility links

Breaking News

Ayiti-Politik - Fowòm Ekonomik la Mande Demisyon Premye Minis J. G. Lafontant


Machin ki boule nan lari kapital Peyi d Ayiti - Konsekans zak kraze-brize, piyaj ak dechoukaj nan Pòtoprens (Foto/VOA, 8 jiyè 2018).

3 jou apre kòmansman vyolans ki komèt gwo kraze-brize nan kapital Ayiti a, Pòtoprens, kote manifestan mache boule machin epi dechouke -antwòt- biznis piblik ak prive tankou biwo Leta, otèl ak magazen, anpil reyaksyon kontinye tonbe pou atire atansyon sou karaktè grav sitiyasyon an epi sigjere solisyon ki ta kapab wete peyi a nan kriz sa a ki gen koz plizyèl, daprè anpil obsèvatè.

Youn nan reyaksyon yo parèt sou fòm yon kominike Fowòm Ekonomik sektè prive a pibliye lendi 9 jiyè 2018 la, swa 3 jou aprè zak vyolans yo te kòmanse, avèk yon analiz ki kritike absans prevwayans otorite an plas yo ki sanbe pa t antisipe konsekans desizyon yo te pran pou yo ogmante pri gaz la; doimabn an atire atansyon tou sou mank aksyon lapolis anvan, pandan e aprè ensidan grav sa yo.

Ajan lapolis ki te ale sou plas nan yon zòn nan Pòtoprens kote manifestan te pran lari avèk menas pou yo komèt dezòd epi twouble lapè piblik.
Ajan lapolis ki te ale sou plas nan yon zòn nan Pòtoprens kote manifestan te pran lari avèk menas pou yo komèt dezòd epi twouble lapè piblik.

An fèt, si desizyon otorite yo te pran pou yo ogmante pri gaz la ka reprezante koz okazyonèl mouvman leve-kanpe yo ak aksyon kraze-brize polpilè yo, dokimine a atire atansyon sou sa Fowòm Ekonomik la rele "mank leadership" gouvènman Premye Minis Jack Guy Lafontant an; e, daprè siyatè yo, aprè evennman ki te kontinye byen ta nan sware samdi 7 jiyè a e ki te rekòmanse byen bonè dimanch 8 la, sa pa sifi pou gouvènman an rantre desizyon pou l ogmante pri gaz la. Se konsa siyatè nòt la mande demisyon an blòk tout manm kabinè ministeyèl la --san bliye Premye Minis la-- kòm youn nan premye aksyon an plis ki nesesè pou nòmalize sitiyasyon an.

Medya-an-liyn Le National, ki baze nan Miami, di sanble Premye Minis Jack G. Lafontant ta aksepte bay demisyon li; e, daprè jounal la, gen divès non Prezidan Jovenel Moise ap pran an konsiderasyon.

XS
SM
MD
LG