Ann Ayiti, tout piblik la an jeneral -e sektè poltik la ann patikilye- ap tann avèk anpil enpasyans piblikasyon vèsyon amande konstitisyon an ki ta dwe prèt anvan lontan.
Sa pa gen lontan, palman an te amande Chat Fondamantal peyi d Ayiti a pou reflte nouvo reyalite peyi a epi pèmèt yon pi bon fonksyonnman administrasyon piblik la, avèk plis patisipasyon e kontribisyon Ayisyen k ap viv nan dyaspora a.
Pami chanjman amandman sa a pote, n ap siyale 2: 1).- Se posiblite pou yon Ayisyen genyen doub nasyonalite; 2) epi yon Ayisyen ki natiralize nan yon lòt peyi kapab okipe pòs elektif nan nivo rejyonal, tankou manm KAZEK ak majistra kominal.