Accessibility links

Ayiti sou Wout pou Kreye yon Nouvo Kò Ame Malgre Patnè Entènasyonal li yo Pa Fin Dakò

  • Ekip Sèvis Kreyòl VOA

Responsab yo nan sant rekritman an kap analize dosye ak entèvyouve kandida pou nouvo kò ame Ayiti a nan Gresye, Ayiti. 18 jiyè, 2017. (Foto: REUTERS/Jeanty Junior Augustin)

Responsab yo nan Ministè Defans la ann Ayiti ap kontinye ak pwosesis rekritman pou remobilize Lame Dayiti, FADH, ansyen rejim Lavalas la te demobilize nan mitan ane 90 yo. Operasyon sa a ap fèt malgre Etazini ki youn nan patnè entènasyonal Ayiti yo, montre klèman li pa entèrese nan finansman yon lòt enstitisyon ame pou nasyon karayib la.

Pandanstan, anpil jèn nan kat kwen peyi a deja manifeste angouman pou yo vin manb nouvo kò ame sa a otorite yo di ki pral la pou ranfòse sekirite sou fontyè yo ak pote asistans bay popilasyon sinistre yo lè gen yon dezas natirèl nan peyi a.

Jounalis Lavawdlamerik, Jean Robert Philippe, te pale ak kèk nan patisipan yo e ak responsab sant rekritman an ki nan lokalite Gresye, tou pre kapital ayiti a, Pòtoprens.

Klike sou lyen odyo a pou tande repòtaj Jean Robert Philippe la.

XS
SM
MD
LG