Koutje sou Preparasyon pou Fèt Fendane yo ann Ayiti

Ann Ayiti, plis jou ap pase, se plis tou anbyans fèt nwèl la ap pran dimansyon. Se konsa moun kapab tande chansn nwèl kap pase nan radyo san bliye konkou chante kèk medya lanse. Sepandan daprè korespondan nou Renan Toussaint, anpil sitwayen li kontakte fè konnen pou yo pa genyen fèt, paske dosye ensekirite a toujou rete konplike, e li menm kontinye bay kè-sote.

Pandan deba ap fèt sou kesyon sekirite a, direktè jeneral Polis Nasyonal Dayiti a (PNH), Michel-Ange Gédéon, vizite Depatman Nòdès la kote otorite lapolis yo gen pou yo ouvè yon enstalasyon anvan lontan.

Otorite yo nan Polis Nasyonal Dayiti ak responsab lòt antite nan domèn sekirite peyi a fè konnen yo pran tout dispozisyon pou yo pwoteje popilasyon an nan okazyon fèt fen dane a.