Eleksyon endirèk yo twouve yo nan yon konfli ant palman an, ekzelitif la ak Konsèy Elektoral pwovizwa a. Se konsa senatè Depatman Nip, Francenet Denius, pataje ak laprès rekèt li pral voye bay prezidan Sena a pou mande yon rankont separe ak minis enteryè ak kolektivite teritoryal yo e apre ak reprezantan FENAM (Federasyon Nasyonal Majistra yo). Rankont sa a pral dewoule sou pwoblèm ki ka rive nan fonksyonnman meri yo ak kolektivite teritoryal yo.
Bò kote pa l Direktè Egzekitif KEP a, Uder Antoine, rekonèt pouvwa ekzekitif la te enfòme yo de rezolisyon Sena a san li pat mande pou kanpe pwosesis la. Mesye Uder Antoine te reponn kesyon Jean Robert Philippe sou dosye sa a.