Accessibility links

Ayiti Eleksyon: Prezidan Sena a di Gen Siy Ki Montre Pwosesis Elektoral la ap Byen Mache

  • VOA Nouvèl

Prezidan sena ayisyen an, Doktè Kelly Bastien, di yon bon kantite pati politik ki enskri pou patisipe nan eleksyon jeneral novanm yo reprezante yon siy ki montre pwosesis la ap byen mache.

N ap raple ke 19 nouvo pati enskri nan jou ki sot pase yo tandis ke 55 lòt te deja enskri anvan tranblemmantè 12 janvye 2010 pase a.

Nan deklarasyon mesye Bastien fè bay Lavwad Lamerik, li lanse apèl bay KEP a pou l mande l aplike règleman lwa elektoral la kòm sa dwa pou garanti lejitimite otorite eli ki va sòti nan vòt la. Prezidan sena a ensiste pou l di, eleksyon novanm yo gen yon enpòtans kapital pou evite nesesite pou Ayiti genyen yon gouvènman pwovizwa, yon sitiyasyon ki kapab genyen konsekans moun pa ka prevwa.

Korespondan nou Rotchild François Junior ap devlope nouvèl sa a ki se youn nan pwen k ap domine aktyalite nan peyi dAyiti.

Klike sou ikòn MP3 ki anwo e adwat atik sa a pou w koute repòtaj Rotchild la ak lòt nouvèl peyi Dayiti pou jounen an.

XS
SM
MD
LG