Accessibility links

Ayiti-Eleksyon: Dapre Jij BCEN yo, Pat Gen Fwod Masiv nan Eleksyon 20 Novanm yo

  • Ekip Sèvis Kreyòl VOA

Logo Konsèy Elektoral Pwovizwa a ( KEP) ann Ayiti

JIj yo nan Biwo Kontansye Elektoral la BCEN bay vèdik yo sou kontestasyon rezilta pasyèl eleksyon 20 novanm yo jou ki te 2 janvye 2017 la, vè 9 vè nan aswè nan lokal KEP a sou Wout- Frè nan Petyon-Vil, Ayiti, selon yon nòt ki soti nan KEP a.

Nòt la kontinye pou l di:

"Dapre jij elektoral yo, pat gen anpil fwod nan eleksyon an. Sepandan evalyasyon 12 pousan nan pwosè vèbal yo montre kèk iregilarite ki tout fwa pa rive nan nivo pou afekte pwosesis ."

Nan rekontaj 12 pousan oubyen 1560 pwosè vèbal sa yo, jij elektoral yo ekate 70 pwosè vèbal e yo antre 8 lòt ke Sant Tabilasyon an, CTV te mete sou kote. Dapre menm nòt la, desizyon jij BCEN yo final kidonk pati politik kontestatè yo pa gen kote yo ka ale kont li.

Anplwaye Sant Tabilasyon yo kap klase materyèl elektoral yo tankou pwosè vèbal... Foto REUTERS/ Andrew Martinez, Pòtoprens, Ayiti 21 novanm 2016..
Anplwaye Sant Tabilasyon yo kap klase materyèl elektoral yo tankou pwosè vèbal... Foto REUTERS/ Andrew Martinez, Pòtoprens, Ayiti 21 novanm 2016..

Not la fini pou l di: Tribinal elektoral la pase lòd pou Sant Tabilasyon an kontabilize vòt yo epi fini ak pwosesis la.

Nòt la ki pote siyati pòtpawòl KEP a, Nicole Siméon, gen dat 3 janvye 2017, ki se dat konsèy la te fikse pou piblikasyon rezilta definitif prezidansyèl 20 novanm lan.

XS
SM
MD
LG