Prezidan Lèzetazini ak Kore di Sid mete yo dakò pou lame peyi yo fè yon seri de egzèsis ansanm kòm reyaksyon apre Kore di Nò te lanse yon rafal kout-zam lou sou Kore di Sid -atak ki te lakoz lanmò 4 moun, pami yo genyen 2 sivil. Egzèsis sa yo ap gen patisipasyon pòt-avyon ameriken USS George Washington e yo pral dewoule nan yon pòsyon lanmè ki trè sansib estratejikman, paske li twouve l sou fwontyè ki separe dlo tèritoryal 2 Kore yo.