Accessibility links

Breaking News

Asistan Sekretè Deta nan Depatman Deta Julie J. Chung ann Ayiti pou yon Seri Rankont ak Plizyè Sektè sou Kriz la


Asistan Sekretè Deta nan Depatman Deta Ameriken nan Biwo Emisfè Lwès, Julie J. Chung. Photo: Koutwazi Depatman Deta Ameriken.

Asistan Sekretè Deta pou Afè emisfè oksidantal la nan Depatman Ameriken an, Julie Chung, ale ann Ayiti pou l rankontre diferan sektè nan sosyete sivil la ak lòt aktè yo tankou palmantè ayisyen yo, dapre yon nòt ki soti nan Anbasad ameriken ann Ayiti. Nòt la kontinye pou di: "Gouvènman ameriken an kontinye ap ankouraje yon dyalòg nasyonal pou jwenn yon solisyon pou kriz peyi a ap travèse a, kriz ki pwovoke yon enstabilite sosyo-politik."

Senatè Patrice Dumont di li pale ak ofisyèl wo-plase ameriken an de nesesite pou prezidan Jovenel Moise bay demisyon li pou fasilite yon solisyon pou kriz la. Daprè Misye Dumont, depa prezidan Moise se yon bagay ki endispansab etandone li enplike nan plizyè dosye -pami yo genyen move jesyon Fon Petro-Caribe a, afè Dermalog la avèk eskandal mèsenè yo.

Nòt la ajoute: "Administrasyon Amerikèn nan gen gwo preokipasyon akoz kriz politik la ki debouche sou yon seri de manifestasyon plizoumwen vyolan depi piblikasyon 2èm pati rapò Kou Siperyè dè Kont la sou delapidasyon Fon Petro-Caribe a. An plis palmantè yo ak dirijan pati politik yo, diplomat ameriken an te dwe rankontre manm sektè prive a."

XS
SM
MD
LG