Accessibility links

Breaking News

41 Moun Mouri Ann Izrayèl


41 Moun Mouri Ann Izrayèl

Ekip entènasyonal yo kòmanse rive ann Izrayèl pou ede konbat yon ensandi mòtèl ki eklate toupre vil Haifa e ki fòse plizyè milye moun kite lakay yo .

Otorite yo fè konnen anviwon 100 ponpye ki soti nan peyi Bulgari ak lòt sòlda ki soti Jòdani ak nan peyi Lagrès rive nan peyi a. Gen yon pakèt lòt ekip ponpye ki debake ak bon materièl e ki soti nan plizyè lòt peyi tankou Chypr, Angletè, Ejipt, Espay, Turki pou yo vinn pote kole kont gwo dife sa a .
.
Yon pòtpawòl lapolis di laprès yo retire plizyè lòt kadav nan dife a nan forè Carmel lan nan Galile. Sa ki pote kantite moun ki mouri a a 41 .

Pi fò moun ki mouri yo se yon pakèt jèn gad prizon ki te nan yon bis ki ta prale nan yon prizon kote yo ta pral evakye kèt detnu . Pòtpawòl la di dife a gentan boule plis pase 4 mil ekta tè---sa ki reprezante pi gwo dife ki janm eklate nan tout istwa peyi Izraèl. Premye minis Benjamin Netanyahu pral genyen yon rankont dijans ak kabinè ministeryèl li a pou diskite sou trajedi a vandredi 3 desanm 2010 la.

XS
SM
MD
LG