O Meksik, lapolis fè konnen nèg ame tire sou 13 moun ki t ap resevwa swen pou depandans yo ak dwòg nan yon sant reyabilitasyon.
Temwen rapòte nèg ame yo antre nan sant la , aliyen kliyan yo e tire sou yo. 10 ladan yo mouri. Atak la rive dimanch 25 oktòb 2010 la nan Tijuana , yon vil ki toupre fwontyè amerikano-meksiken an.
Lapolis poko rive konnen ki rezon ki dèyè aksyon krimininèl sa a. Sepandan otorite yo sispèk ke zak asasinay sa a kapab gen rapò ak katèl dwòg yo.