Accessibility links

Breaking News

Japon: Daprè Otorite Kantite Moun Ki Mouri yo ka Rive Jiska 10 Mil


Japon: Daprè Otorite Kantite Moun Ki Mouri yo ka Rive Jiska 10 Mil

Yon eksplozyon idwojèn ki rive nan yon enstalasyon nikleyè e yon fo alèt sinami vinn ajoute nan mizè pèp japonè a lendi 14 mas 2011 la kote plizyè dizèn milye viktim tranblemanntè ki nan kèk abri ap tann asistans.

Anviwon 100 mil sòlda japonè ki gen asistans ekip sekou ki soti nan plis pase yon douzèn peyi a kontinye ap chèche sivivan anva debri trajedi ak sunami vandredi dènye a .

Pwoblèm elektrisite ak domaj nan enfrastrikti yo konplike travay sekouris yo. Jodi lendi a , sekouris yo jwenn plis pase mil kadav sou rivaj youn nan pwovens nan rejyon Nòdès peyi a , e ajans nouvèl Kyodo yon jwenn yon lòt mil kadav yon rejyon Migayi. Otorite yo atann aseke anviwon 10 mil moun ta mouri apre trajedi a.

Yon lòt kote, yon ti tan anvan midi---lè Japon--- , yon eksplozyon ki sanble ak yon eksplozyon idwojèn rive nan batiman numewo 3 enstalasyon elektrik Fukushima-a, menm enstalasyon kote yon eksplozyon menm jan-an te rive samdi pase a nan batiman numewo 1 an.

Responsab-yo konnye-a gen laperèz pou pa gen yon lòt eksplozyon nan batiman numewo 2 a. Men jiskaprezan batiman numewo 2 a pa genyen okenn domaj. Gen plis ke 200 mil moun ke otorite yo evakye nan zòn Fukushima e nan lòt konpayi elektrik ki sibi domaj.

XS
SM
MD
LG