Accessibility links

Breaking News

Apèl Izrayèl Pou Pouvwa Palestinyen An Kontinye Negosyasyon Lapè yo


Apèl Izrayèl Pou Pouvwa Palestinyen An Kontinye Negosyasyon Lapè yo

Nan peyi Izrayèl, Premye-Minis Benjamin Netanyahu egzòte prezidan palestinyen an, Mahmoud Abbas, pou l kontinye negosyasyon lapè yo nan moman yon stop tanporè Izrayèl te mete sou konstriksyon pèpleman juif nan Si-Jòdani an rive nan bout li --desizyon sa a te rantre ann aplikasyon sa gen 10 mwa.

Lidè izrayelyen an fè parèt yon deklarasyon byen bonè lendi 27 septanm 2010 la a 22 zè GMT jou dimanch 26 septanm 2010 la, yon ti tan aprè entèdiksyon konstriksyon an te fin bout.

Li bay misye Abbas konsèy pou l kontinye dyalòg la yon fason pou yo ka rive jwenn yon akò istorik nan yon espas yon lane. Daprè sa misye Natanyahu di: ”Izrayèl pare pou l kontinye kontak yo nan jou k ap vini la yo."

Yon bato k ap transpòte militan jwif ki soti Izrayel, ann Ewòp ak Ozetazini gen pou yo pran direksyon teritwa Gaza. Objektif la se vyole blokis Izrayèl enpoze sou Gaza epi fè livrezon asistans sou teritwa a.

Bato a, ki pote paviyon britanik e ki rele “Irene Caramaran”, te kite nò zile Chip jou dimanch 26 septanm nan; li gen abò li 9 pasaje ak manm ekipaj.

Se Gwoup britanik « Jwif K ap mande Jistis pou Palestinyen » ki òganize vwayaj sa a. Gwoup la di li gen pwojè pou l fè livrezon ekipman medikal, jwèt pou ti moun ak lòt pwovizyon nan Gaza.

Pòtpawòl gwoup la, Richard Kuper, di vwayaj bato a se yon aksyon pwotestasyon senbolik kont okipasyon Izrayel sou teritwa palestinyen yo ak eta’d sièj Gaza a, li ajoute, n ap site: "Se pa tout Jwif ki apiye politik gouvènman Izrayelyen an. "

XS
SM
MD
LG