Accessibility links

Depatman Deta: Ansyen Prezidan Aristide pa fè Pati Ekwasyon sa a

  • Jacques Jean-Baptiste

Depatman Deta: Ansyen Prezidan Aristide pa fè Pati Ekwasyon sa a

Gouvènman ameriken an di li pa genyen dout ansyen prezidan ayisyen Jean-Bertrand Aristide vle ede pèp ayisyen an, men li konsidere ke Ayiti dwe gade jounen jodi a devan. (NDLR: pa dèyè)

Pandan yon point de presse” li bay jedi 20 janvye 2011 la, yon pòtpawòl depatman Deta (Mark Toner) repete yon deklarasyon prensipal pòtpawòl Depatman Deta a, P.J. Crowley, pibliye sou adrès Twitter li (yon sit sosyal sou rezo entènèt la)

"Kesyon sa a konsène avni Ayiti, e atansyon nou fikse sou avni Ayiti, chèche yon solisyon pou kriz elektoral la, bay pèp ayisyen an yon pwosesis elektoral li ka fè konfyans, ki transparan e ke li merite pou l gen eleksyon ki, franchman reflete volonte li. Ansyen Prezidan Aristide pa fè pati ekwasyon sa a...”

Nan yon lèt ministè afè etranjè Afrik Di Sid (peyi kote Misye Jean-Bertrand Aristide ap viv ann egzil depi ane 2004) pibliye 19 janvye 2011 lan, ansyen prezidan an manifeste dezi li pou l retounen Ayiti “pou l al ede konpatriyòt li yo”.

Lèt misye Aristide la sòti 3 jou apre retou sanzatann ansyen diktatè Jean-Claude Duvalier nan Pòtoprens apre 25 an egzil nan peyi Lafrans.

XS
SM
MD
LG