Accessibility links

Breaking News

Edward Seaga Kont Retou Duvalier Ann Ayiti


Diktatè ayisyen Jean-Claude "Baby Doc"

Ansyen premye minis jamayiken an, Edward Seaga, reyaji kont desizyon ansyen diktatè ayisyen Jean-Claude Duvalier pran pou l retounen nan peyi Dayiti ki deja chaje ak pwoblèm aprè soulèvman popilè te dechouke l sou pouvwa a.

  • Jean-Claude Duvalier, ke zòt nan près entènasyonal la rele Baby Doc (Bebe Doc), retounen ann Ayiti dimanch 16 janvye 2011 la apre 25 kan ann egzil nan peyi Lafrans. Si ansyen Premye-Minis Seaga te trè kare avèk pozisyon n, ansyen Premye-Minis P.J. Patterson pat fè okèn komantè, li menm, sou retou Duvalier a. Mesye Patterson se reprezantan espesyal chèf gouvenman CARICOM yo (kominote Karayib la), pou Ayiti e l ap dirije tou asistans rejyonal pou pèp ayisyen an ki viktim anba tranblemanntè ane pase a.

Mesye Seaga, ki te premye minis lè yo te dechouke Duvalier sou pouvwa a ann Ayiti nan ane 1986 deklare: "Retou ansyen diktatè zèl dwat la pa bon pou pèp ayisyen an." Li ajoute retou Duvalier a ka fè pèp ayisyen an fè bak nan efò l ap fè pou remete peyi a kanpe sou pye l, e, dapre li, sa pral twouble pèp ayisyen an plis toujou e sa pral divize lwayote sitwayen yo. Li deklare manda Duvalier sou pouvwa a pat yon manda ki te nan avantaj majorite pèp ayisyen an.

Ansyen Premye Minis Edward Seaga di: "retou mesye Duvalier a se yon sipriz, lè w sonje li te mele nan yon seri aktivite ki ka petét fè l parèt devan lajistis. "

Duvalier, ki gen 59 van, te monte sou pouvwa a aprè lanmò papa l ,diktatè Francois Duvalier nan lane 1971. Li anba akizasyon deske li te komèt yon seri move zak pandan 15 an li te pase alatèt peyi a.

Klike sou ikon ki anwo e adwat atik la pou w tande repòtaj sa a.

XS
SM
MD
LG