Accessibility links

Breaking News

Andres Manuel Lopez Obrador Mande yon Pòz nan Relasyon Diplomatik peyi l ak Espay


Mexico's President Andres Manuel Lopez Obrador speaks to the media during a news conference at the National Palace in Mexico City

Prezidan Meksiken Andres Manuel Lopez Obrador mande mèkredi yon pòz nan relasyon diplomatik peyi a ak Espay, san li pa kraze relasyon yo, apre li te ogmante kritik kont ansyen pwisans kolonyal Meksik la, kote li di Espay te eksplwate Meksik.

Lopez Obrador pale konsa nan yon konferans pou laprès li bay regilyèman, kote li mande pou relasyon ofisyèl yo pran yon tan pou yo respire, e kote li di "relasyon yo pa bon" pou kounyea.

Prezidan Meksiken an pa sispann deklare ke otorite ak sosyete biznis Espayòl yo ap eksplwate peyi Nò Ameriken an, espesyalman nan sektè enèji a.

"Se tankou se yo ki te pwopriyetè Meksik," se sa Lopez Obrador di laprès pandan li te tou mete nan travay gouvènman Premye Minis Pedro Sanchez la.

"Yo piye nou," se sa Lopez Obrador di pandan li t ap pale de wòl Espay jwe nan peyi a ak envestisman li yo. Li ajoute, "Petèt ak chanjman gouvènman an, relasyon yo ap repran plas yo, e m espere ke lè mwen pa nan pòs sa a ankò isit la, yo p ap menm jan yo te anvan mwen an."

XS
SM
MD
LG